Vinningshafi helgarinnar hefur gefið sig fram til Íslenskrar getspár með miðann sem hefur að geyma rúmar fimm milljónir króna.

Vinningshafann hafði dreymt fyrir vinningnum fyrir ekki svo löngu og síðastliðinn laugardag fékk hann svo hugboð um að nú væri kominn tími til þess að kaupa lottó. Að hans eigin sögn var hann hálf blankur og ætlaði því bara að kaupa örfáar raðir en ákvað svo að lokum að taka einn tíu raða miða. Vinningsröðin reyndist svo vera sú síðasta á miðanum. Hjónin fylgdust svo með útdrættinum á laugardagskvöldið og varð þeim því strax ljóst að þau voru orðin lottómilljónamæringar.

Íslensk getspá óskar vinningshöfunum innilega til hamingju með vinninginn.